رووداو دیجیتاڵ
ئەمڕۆ چوارشەممە لە رێوڕەسمێکدا تورکیا شەش هێلیکۆپتەری جۆری [T129 Atak] رادەستی حکومەتی فیلیپین دەکات. رێوڕەسمەکە لە مانیلای پایتەختی فیلیپین بە ئامادەبوونی ئیسماعیل دەمیر، سەرۆکی پیشەسازیی بەرگریی تورکیا بەڕێوەدەچێت.
ئیسماعیل دەمیر لە هەژماری تایبەتیی خۆیدا لە تویتەر بڵاویکردووەتەوە: "ئەمە رۆژێکی دیکەی پڕ لە شانازییە بۆ پیشەسازیی بەرگریمان! بۆ یەکەمین جارە هێلیکۆپتەری جۆری ئاتاک لە دەرەوەی وڵات رادەست دەکەین، کە ئەویش بە فیلیپینە".
تورکیا خولێکی راهێنانی بۆ چوار فڕۆکەوان و 19 کارمەندی تەکنیکیی فیلیپین کردەوە.
تاوەکو ئێستا وڵاتانی پاکستان و فلیپین بە مەبەستی کڕینی هێلیکۆپتەری جۆری [T129 Atak] لە تورکیا، گرێبەستیان لەگەڵ تورکیا واژۆکردووە. پاکستان گرێبەستی کڕینی 30 هێلیکۆپتەر و فلیپینیش گرێبەستی کڕینی 30 هێلیکۆپتەریان واژۆکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ