رووداو دیجیتاڵ
میدیای فەرمیی تورکیا بە پشتبەستن بە زانیاریی سەرچاوە ئەمنییە باڵاکانی ئەو وڵاتە بڵاویکردەوە، تیمی ئۆپەراسیۆنە تایبەتەکانی میت، بەرپرسێکی باڵای یەکینەکانی بەرخودانی شنگال - یەبەشەیان لە شنگال کردووەتە ئامانج.
بەگوێرەی ئەو هەواڵەی میدیای فەرمیی تورکیا ئەمڕۆ یەکشەممە بڵاویکردەوە، تیمی ئۆپەراسیۆنە تایبەتەکانی دەزگای هەواڵگریی نیشتمانیی - میت لە ئۆپەراسیۆنێکدا بەدرخان ئابێ ناسراو بە داراڤ گەڤدایان کردووەتە ئامانج. وەک میدیای فەرمیی تورکیا دەڵێت، بەدرخان ئابێ یەکێک بووە لە فەرماندە سەربازییەکانی یەکینەکانی بەرخودانی شنگال - یەبەشە و لە دەرەوەی شنگالیش کراوەتە ئامانج.
وەک لە هەواڵەکەدا هاتووە، بەدرخان ئابێ بەردەوام چاودێری کراوە و لە ئۆپەراسیۆنێکی هەستیار و خێرادا لەلایەن تیمی ئۆپەراسیۆنە تایبەتەکانەوە لەگەڵ چەند گەریلایەکی دیکە کراوەتە ئامانج.
وەک لە هەواڵەکەدا هاتووە، بەدرخان ئابێ لەدایکبووی شرناخی باکووری کوردستان بووە و لە ساڵی 2011 پەیوەندی بە پەکەکەوە کردووە و ساڵی 2014ش چووەتە قەندیل و رۆڵ و بەرپرسیارێتی جیاوازی هەبووە.
میدیای تورکیا دەڵێت، بەدرخان ئابێ لە چەندین ئۆپەراسیۆن دژی هێزە ئەمنییەکانی تورکیا بەشداربووە و لە سەرەتای دامەزراندنی هێزەکانی یەبەشەش وەک فەرماندەیەکی باڵا لە شنگال دەستبەکاربووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ