بەهۆی وەرگەڕانی پاسێکی گەشتیاری لە تورکیا 41 کەس بریندار بوون

 

بەڕێوەبەرایەتیی هاتووچۆی ئەسکیشەهیر، هۆکاری وەرگەڕانی پاسە گەشتیارییەکەی بۆ تیژڕۆیی و پابەندنەبوون بە یاساکانی سەلامەتیی هاتووچۆ گەڕاندەوە، ئاماژەی بەوەشکرد، شوفێرەکە بەهۆی تیژڕۆییەوە کۆنترۆڵی پاسەکەی لەدەستداوە. 

 

بەگوێرەی زانیارییەکانی بەڕێوەبەرایەتیی تەندروستیی پارێزگای ئەسکیشەهیر، 11 کەس لە بریندارەکان برینیان سەختە و لە بەشی چاودێریی چڕی نەخۆشخانە چارەسەر وەردەگرن. 

 

بەهۆی پشووی جەژنی قوربانەوە، رێگەوبانەکان لە تورکیا و باکووری کوردستان قەرەباڵخییەکی زۆریان تێدایە و ئەوەش هۆکار بووە بۆ ئەوەی ژمارەیەکی زۆر رووداوی هاتووچۆ رووبدەن. 

 

حکومەتی تورکیا نۆ رۆژ پشووی جەژنی قوربانی راگەیاند، کە لە 24ـی حوزەیران دەستیپێکرد و رۆژی 3ـی تەممووز (سبەی) کۆتاییدێت. 

 

بەگوێرەی ئامارە فەرمییەکان، ساڵی 2022 لە باکووری کوردستان و تورکیا 485 هەزار و 48 رووداوی هاتووچۆ روویانداوە، بەهۆیانەوە دوو هەزار و 282 کەس گیانیان لەدەستداوە و 291 هەزار و 151 کەسی دیکەش بریندار بوون.