ئەم ساڵ 49 ملیۆن گەشتیار چوونەتە تورکیا

 

 

محەممەد نووری ئەرسۆی، وەزیری کولتوور و گەشتوگوزاری تورکیا رایگەیاند، لە 9 مانگی یەکەمی ئەم ساڵدا 49 ملیۆن و 181 هەزار گەشتیار سەردانی باکووری کوردستان و تورکیایان کردووە.

 

ئەرسۆی گوتی، "داهاتی گەشتیاریمان لە 9 مانگی سەرەتای ساڵی 2024دا 46 ملیار و 900 ملیۆن دۆلار بووە، لە کاتێکدا لە 9 مانگی سەرەتای پاردا 44 ملیار دۆلار بوو." 

 

بە گوتەی ئەو وەزیرەی تورکیا، ژمارەیەکی زۆر لەو گەشتیارانە خەڵکی رووسیا، ئەڵمانیا و بەریتانیا بوون، بە جۆرێک لەو 9 مانگەدا 5 ملیۆن و 473 هەزار و 380 گەشتیاری رووسیایی، 5 ملیۆن و 157 هەزار و 493 گەشتیاری ئەڵمانیایی و 3 ملیۆن و 679 هەزار و 381 گەشتیاری بەریتانیایی بوون.

 

هەر بەگوێرەی وەزارەتی کولتوور و گەشتوگوزاری تورکیا، لە 9 مانگی سەرەتای پاردا 45 ملیۆن و 230 هەزار گەشتیار چووبوونە باکووری کوردستان و تورکیا.