سووریا.. لە شاری حمس 130 كەس دەبنە قوربانی
رووداو- فرانس پرێس
لە گەڕەكێكی شاری حمسی سووریا، لە ئەنجامی تەقینەوەی ئۆتۆمبێڵێك و كەوتنەخوارەوەی موشەكێك، 130 كەس كوژران و برینداربوون.
تەڵاڵ بەرازی، پارێزگاری حمس راگەیاند، ئۆتۆمبێلێكی بۆمبڕێژكراو لە ناوچەی عەباسییە لە گەڕەكی زەهرا تەقیەوە و لە ئەنجامدا 36 كەس كوژران و 75ی دیكە برینداربوون.
بەرازی روونیكردەوە، دوای ئەوەی خەڵكێكی زۆر لە شوێنی تەقینەوەكە كۆبوونەتەوە، دواتر لە هەمان شوێن موشەكێك كەوتووەتە خوارەوە و لە ئەنجامدا 9 كەسی دیكە كوژران و 10ى دیكەش برینداربوون.
بە وتەی پارێزگاری حمس، برینی ژمارەیەك لە بریندارەكان سەختە، بۆیە چاوەڕواندەكرێت ژمارەی كوژراوان بەرزببێتەوە.