سەرکردەیەکی بەرەی نوسرە لە سووریا کوژرا
رووداو- هەولێر
یەکێک لە سەرکردەکانی بەرەی نوسرە بەناوی ئەبو سلێمان میسری، لە نێوەڕاستی شاری حەلەب لە سووریا کوژرا.
ئاژانسی سبۆتنیکی رووسیا بڵاویکردەوە، كە رۆژی شەممە 24-10-2015 ، لە شەڕ و پێکدادانێك لە تەلقەراسینەی سەر بە ریف لە حەلەب، ئەبو سلێمان میسری کوژراوە.
هەروەها رۆژنامەی ئەتلانتیکۆی فەرەنسی ئاماژەی بەوە کردووە، کە تاوەكو ئێستا هۆکاری کوشتنەکەی میسری نەزانراوە، بەڵام وێنەی تەرمەكەی بڵاوکراوەتەوە.
رۆژنامە فەرەنسییەکە دووپاتیکردووەتەوە، کە پێشبینیدەکرێت ئەو سەرکردەی بەرەی نوسرە بەدەستی سوپای سووریا کوژرابێت.