بەڤیدیۆ؛ دوو چەکداری سوپای سووریای ئازاد باسی تاڵانکردنی عەفرین دەکەن
رووداو - هەولێر
دوای ئەوەی سوپای تورکیا و گرووپە چەکدارەکانی سوپای سووریای ئازاد عەفرینیان کۆنترۆڵکرد، رۆژانە گرتەی ڤیدیۆیی دزی و تاڵانکردنی عەفرین بڵاودەکرێنەوە.
دوو چەکداری سوپای سووریای ئازاد، کە سەر بە ئۆپۆزیسیۆنی سووریان لە گرتەیەکی ڤیدیۆیدا دەردەکەون، کە سواری ماتۆڕسکیلێک بوونە و بە ناو شاری عەفریندا دەسووڕێنەوە، بە کامێرا ناوی فرۆشگا و ئەو کەلوپەلانە بۆ هاوڕێکانیان دەستنیشان دەکەن، بۆ ئەوەی دواتر بیاندزن و تاڵانیان بکەن.
وەکو لە گرتە ڤیدیۆییەکەدا دەردەکەوێت، ئەو دوو چەکدارە سووکایەتی بە بەڕێوەبەرایەتی کانتۆنی عەفرین دەکەن و دەڵێن "کوا ئەو دەوڵەتەی عەفرین لە کوێیە؟". دواتر جەخت دەکەنەوە لەوەی عەفرین بۆ خۆیانە و هەموو شتەکانی عەفرین لەلایەن چەکدارانی سوپای سووریای ئازاد تاڵان دەکرێن.
بەپێی رێکخراوی نەتەوە یەکگرتووەکان 170 هەزار خەڵکی سڤیلی عەفرین بەهۆی شەڕ و دەستدرێژییەکانی چەکدارانی سوپای سووریای ئازاد ماڵ و موڵکی خۆیان جێهێشتووە و ئاوارەبوون، دواتر ماڵ و موڵکیان لەلایەن چەکدارانی ئۆپۆزیسیۆنەوە براوە و تاڵانکراوە.
دوای ئەوەی سوپای تورکیا و گرووپە چەکدارەکانی سوپای سووریای ئازاد عەفرینیان کۆنترۆڵکرد، رۆژانە گرتەی ڤیدیۆیی دزی و تاڵانکردنی عەفرین بڵاودەکرێنەوە.
دوو چەکداری سوپای سووریای ئازاد، کە سەر بە ئۆپۆزیسیۆنی سووریان لە گرتەیەکی ڤیدیۆیدا دەردەکەون، کە سواری ماتۆڕسکیلێک بوونە و بە ناو شاری عەفریندا دەسووڕێنەوە، بە کامێرا ناوی فرۆشگا و ئەو کەلوپەلانە بۆ هاوڕێکانیان دەستنیشان دەکەن، بۆ ئەوەی دواتر بیاندزن و تاڵانیان بکەن.
وەکو لە گرتە ڤیدیۆییەکەدا دەردەکەوێت، ئەو دوو چەکدارە سووکایەتی بە بەڕێوەبەرایەتی کانتۆنی عەفرین دەکەن و دەڵێن "کوا ئەو دەوڵەتەی عەفرین لە کوێیە؟". دواتر جەخت دەکەنەوە لەوەی عەفرین بۆ خۆیانە و هەموو شتەکانی عەفرین لەلایەن چەکدارانی سوپای سووریای ئازاد تاڵان دەکرێن.
بەپێی رێکخراوی نەتەوە یەکگرتووەکان 170 هەزار خەڵکی سڤیلی عەفرین بەهۆی شەڕ و دەستدرێژییەکانی چەکدارانی سوپای سووریای ئازاد ماڵ و موڵکی خۆیان جێهێشتووە و ئاوارەبوون، دواتر ماڵ و موڵکیان لەلایەن چەکدارانی ئۆپۆزیسیۆنەوە براوە و تاڵانکراوە.
پێداچوونەوە: هەڵات رێبوار