رووداو- رووسیا ئەلیوم
لە 24 کاژێری رابردوودا رووسیا 36 هێرشی ئاسمانی بۆسه‌ر 49 بنكە و باره‌گای گرووپی داعش له سووریا ئەنجامداون، بەهۆی هێرشەكانیش 11 ناوەندیی سەركردایەتی داعش خاپووركراون.
وەزارەتی بەرگریی رووسیا لە لێدوانێکدا رایگەیاند، کە لەماوەی 24 کاژێری رابردوودا فڕۆکە جەنگییەكانیان 36 هێرشی ئاسمانی بۆسەر 49 باره‌گای گرووپی داعش لە سووریا ئەنجامداون.
ئیگور کۆناشینکوف، گوتەبێژی وەزارەتی بەرگریی رووسیا لە لێدوانێکی رۆژنامەڤانیدا رایگەیاند " لە 24 کاژێری رابردوودا فڕۆکە جەنگییەکانی رووسیا 36 هێرشی ئاسمانیان لە دژی داعش ئەنجامداون، لەم هێرشانەشدا 49 بارەگای داعش لە سووریا كراونەتە ئامانج".
کۆناشینکوف هەروەها ئاماژەی بەوە کرد كە لەم هێرشاندا 11 ناوەندی سەرکردایەتی داعش خاپوورکراون، كارگەیەكی تەقەمەنیش تێكشكێندراوە و 9 كۆگای چەكیش لەنێوبراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ