رووداو دیجیتاڵ
سووریا رایگەیاند، ئیسرائیل یەکێک لە دەروازە سنوورییەکانى ئەو وڵاتەى لەگەڵ لوبنان بۆردوومان کردووە و بەهۆیەوە دەروازەکە داخراوە.
ئەمڕۆ هەینى 6ى کانوونى یەکەمى 2024، ئاژانسى فەرمیى سووریا (سانا) رایگەیاند، دەروازەى عەریزە لە نێوان سووریا و لوبنان داخراوە.
بەپێی ئاژانسەکە داخستنی دەروازەکە بەهۆى بۆردووومانێکی ئیسرائیلەوە بووە، کە بەرەبەیانیى ئەمڕۆ هەینى کردوویەتی.
دەروازەى سنوورى عەریزە دەکەوێتە رۆژئاواى سووریا، لە نێوان هەردوولا پارێزگاى تەڕتووسى سووریا و تەرابلوسى لوبنانە.
ئاژانسى رۆیتەرز لەسەر زارى عەلى حومەییە، وەزیرى گواستنەوەى لوبنان گواستویەتییەوە کە جگە لە دەورازەى سنوورى عەریزە، دەروازەى جوسییە بەهەمانشێوە بۆردوومان کراوە.
وەزیرى گواستنەوەى لوبنان رایگەیاندووە، دوو دەروازەکە لە دیوی خاکى سووریا بۆردوومان کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ