رووداو دیجیتاڵ
کارگەیەکی خشت لە پارێزگای میسان رووخا و گیانلەدەستدان و برینداربوونی 4 کەسی لێکەوتەوە.
دوای نیوەڕۆی رۆژی سێشەممە، (31-12-2024 ) لە قەزای قەلعەساڵح لە پارێزگای میسان کارگەیەکی خشت رووخا.
محەممەد کینانی،گوتەبێژی تەندروستیی پارێزگای میسان بە تۆڕی میدیایی رووداوی گوت: "بەهۆی رووخانی کارگەکەوە کرێکارێک گیانی لەدەستداوە و سێ کرێکاری دیکە برینداربوون".
بە گوتەی گوتەبێژی تەندروستیی پارێزگای میسان، تەرمەکە رەوانەی دادپزیشکی کراوە و بریندارەکانیش بۆ چارەسەر رەوانەی نەخۆشخانە کراون.
لێکۆڵینەوە لە هۆکاری روودانی رووداوەکە دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ