ئاگر لە بازاڕێکی ناوچەی سەدری بەغدا کەوتەوە

 

 

نەواس سەباح شاکر، هاوئاهەنگیکارى راگەیاندنى بەڕێوەبەرایەتیى بەرگریى شارستانیی عێراق رۆژی شەممە، 31-08-2024، بە تۆڕی میدیایی رووداوی راگەیاند: "ئاگرەکە بەیانیی ئەمڕۆ لە خانوویەک کەوتەوە کە وەک کۆگای کەرەستەی پلاستێک بەکاردەهێندرێت؛ دەستبەجێ تیمەکانی بەرگریی شارستانی گەیشتنە شوێنەکە و ئاگرەکەیان کۆنترۆڵ کرد".

 

نەواس سەباح شاکر گوتی: "جگە لە زیانی مادی، ئاگرەکە زیانی گیانی نەبووە".

 

سەبارەت بە هۆکاری کەوتنەوەی ئاگرەکە، هاوئاهەنگیکارى راگەیاندنى بەڕێوەبەرایەتیى بەرگریى شارستانیی عێراق دەڵێت، لێکۆڵینەوە دەستیپێکردووە و تیمەکانی بەڵگەی تاوان لەو شوێنەکەن و ئەوان هۆکارەکە دیاری دەکەن.  

 

عەمید میقداد میری، گوتەبێژی وەزارەتی ناوخۆی عێراق، رۆژی 21-07-2024 بە رووداوی گوت، لە 6 مانگی ئەم ساڵدا پێنج هەزار و 500 رووداوی ئاگرکەوتنەوە تۆمارکراون.