سەرۆکایەتیی پەرلەمانی عێراق: مووچەی کارمەندمان ناگاتە سێ ملیۆن و 500 هەزار دینار

 

سەرۆکایەتیی پەرلەمانی عێراق، روونکردنەوەیەکی لەبارەی گرتەیەکی ڤیدیۆیی بڵاوکردەوە کە باس لەوەدەکات مووچەی فەرمانبەر لە سێ سەرۆکایەتییەکەی عێراق کەمتر نییە لە سێ ملیۆن و 500 هەزار دینار و سەرۆکایەتییەکە بڵاوی کردووەتەوە، نە مووچەی فەرمانبەری ئاسایی دەگاتە 3 ملیۆن و 500 هەزار دینار، نە ئۆتۆمبێلەکانیشیان بایی 50 هەزار دۆلار دەبێت.

 

بەپێی سەرۆکایەتیی پەرلەمان، بەرزترین مووچەی کارمەندی خزمەتگوزاری لە ملیۆنێک و 250 هەزار دینار زیاتر نییە.

 

هەروەها هەڕەشەی گرتنەبەری رێکاری یاسایی لە دژی هەموو ئەو کەسانە دەکات کە بەپێی سەرۆکایەتی پەرلەمان "زانیاریی نادروستی لە دژ بڵاودەکەنەوە."