هەڵەیەک روویدا! دووبارە هەوڵبدە
رووداو دیجیتاڵ
عەبدولئەمیر شەممەرى، وەزیرى نێوخۆى عێراق رایگەیاند، وڵاتەکەى پابەندە بە هاریکاریى نێودەوڵەتى بۆ بنەبڕکردنى تاوانى رێکخراو و پابەندە بە پەرەپێدانى یاسا ئەمنییەکان.
وەزیرى نێوخۆى عێراق ئەم قسانەی لە لووتکەى ئاسایشى سنوورى و بنەبڕکردنى تاوانى رێکخراو کرد، کە ئەمڕۆ دووشەممە 31ى ئادارى 2025، لە لەندەنى پایتەختى بەریتانیا بەڕێوەچوو و سبەیش بەردەوامە.
وەزیرى نێوخۆى عێراق ئاماژەى بەو رێکارانە کرد، کە حکومەتەکەى گرتوونیەتەبەر بۆ بەهێزکردنى سنوور و بنەبڕکردنى بازرگانى بە مرۆڤ و کۆچبەری و تاوانى رێکخراو.
عەبدولئەمیر شەممەرى ئاماژەى بەوەدا کە عێراق پابەندە بە پەرەپێدانى یاسا ئەمنییەکان و هاریکاریى نێودەوڵەتى بۆ بنەبڕکردنى ئەو تاوانانە و پێویستە هاوئاهەنگى هەبێت لە نێوان وڵاتان بۆ پاراستنى سنوور و بنەبڕکردنى تاوانە سنووربڕەکان.
لەو لووتکەیەدا وەزیرانى نێوخۆى 38 وڵات و هەرێمى کوردستان بەشدارن، ئامانج لێى چڕکردنەوەى هەوڵەکانە بۆ رێگرى لە بەقاچاخبردنى مرۆڤ و تاوانى رێکخراو و بەهێزکردنى سنوورى نێوان وڵاتانى جیهان.
بە گوتەى عەبدولئەمیر شەممەرى، عێراق "گرنگییەکى زۆر" دەدات بە هاوکاریکردنى هاوبەشە نێودەوڵەتییەکان لەپێناو رووبەڕووبوونەوەى ئەو ئاڵنگاریانەى لەزیادبووندان لە شێوەى تاوانى رێکخراو و بازرگانیکردن بە مرۆڤ و ئەو هاریکارییە بەشێکى بنەڕەتى ستراتیژى عێراقە بۆ بەهێزکردنى ئاسایشى نێوخۆیی و رۆڵبینین لە ئاسایشى هەرێمى و نێودەوڵەتى.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ