لە رووداوێکی تەقەکردندا لە میسان کەسێک کوژرا و یەکێکی دیکەش برینداربوو

 

رووداوەکە ئێوارەی رۆژی شەممە (28-12-2024) روویداوە. 

 

محەممەد کینانی، گوتەبێژی تەندروسیی پارێزگای میسان، ئەمڕۆ بە تۆڕی میدیایی رووداوی راگەیاند "لە رووداوەکەدا کەسێک کوژراوە و کەسێکی دیکە برینداربووە. بریندارەکە ئێستا لەژێر چاودێریی چڕ دایە". 

 

محەممەد کینانی، لەبارەی هۆکاری رووداوەکە گوتی "شەڕەکە بەهۆی کێشەیەکی هۆزایەتی بووە".

 

دوای رووداوەکە، هێزەکانی پۆلیس چوونە شوێنەکە، لێکڵینەوەیان دەستپێکرد، پرۆسەی گەڕان و پشکنینیان ئەنجامدا و بازگەی کاتیشیان دانا.

 

لیوا لەفتە فاخیر محەممەداوی، فەرماندەی پۆلیسی میسان، بەرەبەیانیی ئەمڕۆ لە راگەیێندراوێکدا گوتی، پەیوەندیدار بە رووداوەکە 5 تۆمەتباریان دەستگیرکردوون کە سکاڵایان لەسەر تۆمارکرابوو.