لە دیالە گەنجێک برایەکی 14 ساڵانی بە چەقۆ دەکوژێت

 

28ـی ئابی 2023، عەقید هەیسەم شمەرى، بەڕێوەبەرى راگەیاندنى بەڕێوەبەرایەتى پۆلیسی پارێزگای دیالە بە تۆڕى میدیایی رووداوى راگەیاند: شەوى رابردوو (یەکشەممە، 27-8-2023) لە ناحیەى بوهروز، کوڕێکى لەدایکبووى ساڵى 1999 برا بچووکەکەى بە چەقۆ کوشتووە، کە لەدایکبووى ساڵى 2008 بووە."

 

عەقید هەیسەم شمەرى گوتیشى "رووداوەکە بەهۆی ناکۆکیى خێزانى بووە و لە ماوەیەکى کەمدا بکوژەکە دەستگیرکراوە و رادەستى لایەنى پەیوەندار کراوە، بۆ گرتنەبەرى رێوشوێنى یاسایی."

 

بەپێی ئاماری وەزارەتى ناوخۆی عێراق، لە ساڵى 2022ـدا پێنج هەزار و 300 کەس لە عێراق لەسەر کێشەی جیاجیا کوژراون.