هەڵەیەک روویدا! دووبارە هەوڵبدە
عێراق
سەردانی سەرۆکوەزیرانی عێراق، وەزیری پلاندانان و نوێنەرى تایبەتى سکرتێرى گشتیى UN بۆ عێراق، بۆ ناوەندى ئۆپەراسیۆنەکانى سەرژمێریى گشتیى دانیشتووان
رووداو دیجیتاڵ
بۆ یەکەمجار ئەو کوردە فەیلییانەى ناویان لە تۆمارى بیانییەکانى عێراق دەرهێندراوە، لە سەرژمێریی گشتیی دانیشتووان دا وەک هاووڵاتیی عێراق تۆمارکراون.
عەلى جەهانگیر، گوتەبێژى وەزارەتى کۆچ و کۆچبەرانى عێراق بە تۆڕى میدیایی رووداوى راگەیاند "ژمارەیەکى دیاریکراو نییە لەبارەى ئەو کوردە فەیلییانەى مامەڵەکانیان تەواو بووە و لەسەرژمێریدا وەک هاووڵاتیی عێراق تۆمار کراون، بەوپێیەى لە هەر پارێزگایەک بەجیا مامەڵەیان بەڕێدەکرێت و پڕۆسەکەش بەردەوامە."
ئەمینداریێتیی گشتیی ئەنجوومەنى وەزیرانى عێراق لە 28ـی ئادارى 2022، بڕیاری دا راسپاردەیەکى 9 خاڵى سەر بە وەزارەتى کۆچ و کۆچبەران لەبارەى یەکلاکردنەوەى کێشەى بەڵگەنامەى فەرمیی کوردانی فەیلی، پەسند بکات.
ژمارەیەک کوردى فەیلی لەنێو بەڵگەنامە فەرمییەکانی وەزارەتى نێوخۆى عێراق، لە تۆمارى بیانییەکاندان و بەڵگەنامەى فەرمیی عێراقیان بۆ دەرنەکرابوو.
تۆمارکردنى کوردانى فەیلی وەکو بیانى، بە بڕیارێکى دەسەڵاتى پێشووى عێراق بوو، بۆ چارەسەرکردنى ئەو دۆخەش ساڵى 2022 شاندێکى وەزارەتى ناوخۆ و کۆچ و کۆچبەران سەردانى کۆمارى ئیسلامیی ئێرانیان کرد تاوەکو ناوى ئەو کوردە فەیلییانە تۆمار بکەن، کە بەڵگەنامەى فەرمیی عێراقیان نییە.
رۆژانى 20 و 21ـی تشرینى دووەمی 2024، سەرژمێریی گشتیى دانیشتووان لە عێراق هەرێمى کوردستان کرا، بەگوێرەى ئەنجامى بەرایی ژمارەى دانیشتووانی عێراق بە بیانی و پەنابەرەوە، زیاتر لە 45 ملیۆن کەسە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ