لە رۆژانی رێوڕەسمی چلەی ئیمام حوسێن دا نیو ملیار پەیوەندیی تەلەفۆنی کراون

 

ژووری ناوەندیی ئۆپەراسیۆنە تایبەتەکان لە دەستەی راگەیاندن و پەیوەندییەکانی عێراق، ئاماری 20 رۆژی رابردووی شارەکانی نەجەف، کەربەلا، کازمییە و سامەڕای تایبەت بە رێوڕەسمی چلەی ماتەمینیی شەهیدکردنی ئیمام حوسێن بڵاوکردەوە. لەو ماوەیەدا نزیکەی نیو ملیار پەیوەندیی تەلەفۆنی کراون.

 

ئاماری ژووری ناوەندیی ئۆپەراسیۆنەکان بەم شێوەیەیە:

 

کۆی گشتیی پەیوەندییەکان: 475 ملیۆن و 561 هەزار و 955 پەیوەندیی

لە کەربەلا؛ 269 ملیۆن و 179 هەزار و 345 پەیوەندی 

 

ژمارەی پەیوەندییە نێوخۆییەکان؛ 461 ملیۆن و 030 هەزار و 781 پەیوەندی

لە کەربەلا؛ 262 ملیۆن و 104 هەزار و 810 پەیوەندی 

 

ژمارەی پەیوەندییە نێودەوڵەتییەکان؛ 14 ملیۆن و 531 هەزار و 174 پەیوەندی

لە کەربەلا؛ 7 ملیۆن و 74 هەزار و 583 پەیوەندیی

 

کۆی گشتیی نامەکان؛ 185 ملیۆن و 642 هەزار و 568 نامە

لە کەربەلا؛ 86 ملیۆن و 123 هەزار و 436 نامە

 

ژمارەی نامە نێوخۆییەکان؛ 138 ملیۆن و 67 هەزار و 294 نامە

لە کەربەلا؛ 61 ملیۆن و 744 هەزار و 310 نامە

 

ژمارەی نامە نێودەوڵەتییەکان؛ 47 ملیۆن و 575 هەزار و 274 نامە

لە کەربەلا؛ 24 ملیۆن و 379 هەزار و 126 نامە

 

قەبارەی داتا گۆڕاوەکان؛ 23 هەزار و 122 تێرابایت

لە کەربەلا؛ 13 هەزار و 784 تێرابایت

 

ژمارەی تاوەرەکانی پەیوەندیی لە کەربەلا؛ 4 هەزار و 390 تاوەر

 

ئەمڕۆ یەکشەممە، 25ـی ئاب، یادى چلەى ئیمام حوسێن، سێیەم ئیمامى شیعەکانە و زیارەتکاران سەردانى شارى کەربەلایان کرد کە مەزارگەى ئەو ئیمامەى لێیە. 

 

بەگوێرەى نووسراوێکى فەرمیی پیرۆزگەى عەباسی سەر بە دیوانى وەقفى شیعەى عێراق کە ئەمڕۆ یەکشەممە دەریکردووە، ژمارەى تەواوى ئەو زیارەتکارانەى کە بۆ چلەى شەهیدکردنى ئیمام حوسێن سەردانى کەربەلایان کردووە، 21 ملیۆن و 480 هەزار و 525 زیارەتکار بوون.