فوئاد مەعسووم دوو یاسای لەبارەی سامەڕا و بابل پەسندکرد

رووداو - هەولێر

فوئاد مەعسووم، سەرۆککۆماری عێراق دوو یاسا لەبارەی سامەڕا و بابل پەسنددەکات.

نووسینگەی راگەیاندنی سەرۆکایەتیی کۆمار رایگەیاند، رۆژی یەکشەممە 25-3-2018 سەرۆککۆمار فوئاد مەعسووم یاسای "سامەڕا پایتەختی عێراقە بۆ شارستانیی ئیسلامیی" پەسندکرد.

ئەو یاسایە پێشتر پەرلەمان بە پشتبەستن بە بەندی (یەکەم) لە ماددەی 61 و بەندی (سێیەم) لە ماددەی 73ی دەستوور لە پەرلەماندا دەنگی لەسەردراوە، بەو مەبەستە داڕێژراوە کە رۆڵی شارستانیی و ئایینیی پارێزگای سەلاحەدین بەهێزبێت و جموجۆڵی گەشتیاریی ئایینیی، شوێنەواریی و کلتووریی لە عێراقدا چالاک بێت.

بەپێی راگەیێندراوێکی دیکە، هەمان رۆژ سەرۆک کۆمار، یاسای "بابل پایتەختی شارستانیی عێراقە"ی پەسندکرووەد، کە پێشتر پەرلەمانی عێراق بڕیاری لەسەر دابوو.

‎لەو بارەیەوە نووسینگەی راگەیاندنی سەرۆکایەتیی کۆمار ئاماژەی بەوە کردووە، ئەو یاسایە  بەپێی حوکمەکانی بەندی (یەکەم) لە ماددەی 61 و بەندی (سێیەم) لە ماددەی 73ی دەستوورە، یاساکەش بەو ئامانجە داڕێژراوە کە رۆڵی شارستانیی و ئایینیی پارێزگای بابل بەهێز ببێت و جموجۆڵی سیاسیی، شوێنەواریی، ئایینیی و کوولتوریی لە عێراقدا ببوژێتەوە و چالاک بێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger