هەڵەیەک روویدا! دووبارە هەوڵبدە
رووداو دیجیتاڵ
بەهۆى شەختە، خوێندن لە شەش پارێزگاى عێراق رادەگیرێت، بەگوێرەى پێشبینیی کەشناسیی عێراق، چوارشەممە لە سێ پارێزگاى هەرێمى کوردستان و 5 پارێزگاى عێراق، پلەى گەرما دەگاتە ژێر سفر.
ئەمڕۆ (سێشەممە، 25ـی شوباتى 2025) لە هەریەک لە پارێزگاکانى بابل، دیوانییە، موسەننا، نەینەوا، دیالە و سەلاحەددین بەهۆى نزمبوونەوەى پلەکانى گەرما و دروستبوونى شەختە، لە قوتابخانەکان کرایە پشوو. پارێزگاى میسانیش بڕیاری دا دەوامى قوتابخانەکان دواى کاژێر 09:00ـی بەیانى دەستپێبکات.
عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق، بە تۆڕى میدیایی رووداوى گوت "ئەو تەوژمە سەرمایە لە رۆژهەڵاتى ئەورووپاوە هەڵیکردووە، دەبێتە هۆى شەختە و سەرماى زۆر."
بەگوێرەى پێشبینیی دەستەی کەشناسی و بوومەلەرزەزانیی عێراق، سبەیش ئەو تەوژمە سەرمایە لە عێراق و هەرێمى کوردستان بەردەوام دەبێت.
عامر جابرى رایگەیاند، لە 8 پارێزگاى عێراق و هەرێمى کوردستان پلەى گەرما لەژێر سفرەوە دەبێت.
پێشبینیی دەستەکەى عێراق وایە؛ پلەى گەرما لە پارێزگاکانى سلێمانى، دهۆک و هەولێر لەژێر سفرەوە دەبێت، لە کەرکووک، نەینەوا، سەلاحەدین، بەغدا و دیالەش بەهەمان شێوە دەبێت.
بەگوتەى بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق؛ ئەو تەوژمە سەرمایە لە 27ـی شوباتەوە بەرەو کەمبوونەوە دەچێت و پلەى گەرما بەرزدەبێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ