عێراق
ئەنجوومەنی باڵای دادوەری رایگەیاند، لە مانگی ئایاری ئەم ساڵ شەش هەزار و 660 جیابوونەوە لە عێراق تۆمارکراوە.
رووداو دیجیتاڵ
ئەنجوومەنی باڵای دادوەری رایگەیاند، لە مانگی ئایاری ئەم ساڵ شەش هەزار و 660 جیابوونەوە لە عێراق تۆمارکراوە. زیاتر لە 28 هەزار و 500 هاوسەرگیری هەبووە.
بەپێی ئامارەکانی ئەنجوومەنی باڵای دادوەریی عێراق، لە مانگی ئایاری ئەم ساڵ، ژمارەی ئەو ژن و مێردانەی جیابوونەتەوە، شەش هەزار و 666 کەس بوون، واتە رۆژانە زیاتر لە 215 جیابوونەوە. ژمارەی ئەو کوڕ و کچانەشی هاوسەرگیرییان کردووە، 28 هەزار و 505 کەس بوون، واتە رۆژانە زیاتر لە 919 هاوسەرگیری.
ئەنهار عادل، یەکێکە لەو چالاکڤانانەی لەبواری ژنان لەبارەی ئامارەکانەوە بە تۆڕی میدیایی رووداوی گوت: "زۆربوونی رێژەی ناپاکی بەهۆی ئینتەرنێت، هەروەها خراپیی دۆخی ئابووری، جگە لە دابونەریت و نەزانینی ژن و مێردەکان لە ئامرازەکانی چارەسەرکردنی کێشەکان، لە دیارترین هۆکارەکانی زۆربوونی جیابوونەوەن."
ئیلاف ناسر، توێژەری کۆمەڵایەتی لە پارێزگای ئەنبار، بە تۆڕی میدیایی رووداوی گوت: "بەراورد بە پێش ساڵی 2003، زیادبوونێکی زۆر لە ژمارەی جیابوونەوە هەیە کە مەترسیدارە، هۆکارەکانیش زۆرن و چارەسەریش کەم. ئێمە لە عێراق کێشەی خراپی پەروەردەمان هەیە، دەبێت حکومەت و وڵات پەرە بەم بوارە و پێگەیاندنی مرۆڤ بدات."
- سەرۆکایەتی دادگەی تێھەڵچوونەوەی/رەسافە:
هاوسەرگیری: 4 هەزار و 852
جیابوونەوە: 925
- سەرۆکایەتی دادگەی تێھەڵچوونەوەی/کەرخ:
هاوسەرگیری: 3 هەزار و 49
جیابوونەوە: هەزار و 397
- سەرۆکایەتی دادگەی تێھەڵچوونەوەی نەینەوا:
هاوسەرگیری: 3 هەزار و 1
جیابوونەوە: 510
- سەرۆکایەتی دادگەی تێھەڵچوونەوەی دیالە:
هاوسەرگیری: هەزار و 313
جیابوونەوە: 259
- سەرۆکایەتی دادگەی تێھەڵچوونەوەی بابل:
هاوسەرگیری: هەزار و 693
جیابوونەوە: 195
- سەرۆکایەتی دادگەی تێھەڵچوونەوەی نەجەف:
هاوسەرگیری: هەزار و 399
جیابوونەوە: 311
- سەرۆکایەتی دادگەی تێھەڵچوونەوەی کەرکووک:
هاوسەرگیری: هەزار و 181
جیابوونەوە: 240
- سەرۆکایەتی دادگەی تێھەڵچوونەوەی زیقار :
هاوسەرگیری: هەزار و 710
جیابوونەوە: 156
- سەرۆکایەتی دادگەی تێھەڵچوونەوەی ئەنبار:
هاوسەرگیری: هەزار و 509
جیابوونەوە: 363
- سەرۆکایەتی دادگەی تێھەڵچوونەوەی بەسرە:
هاوسەرگیری: دوو هەزار و 657
جیابوونەوە: 793
- سەرۆکایەتی دادگەی تێھەڵچوونەوەی واست:
هاوسەرگیری: هەزار و 117
جیابووونەوە : 204
- سەرۆکایەتی دادگەی تێھەڵچوونەوەی سەڵاحەدین:
هاوسەرگیری: هەزار و 170
جیابوونەوە: 273
- سەرۆکایەتی دادگەی تێھەڵچوونەوەی موسەننا:
هاوسەرگیری: 772
جیابوونەوە: 164
- سەرۆکایەتی دادگەی تێھەڵچوونەوەی میسان:
هاوسەرگیری: 964
جیابوونەوە: 257
- سەرۆکایەتی دادگەی تێھەڵچوونەوەی کەربەلا:
هاوسەرگیری: هەزار و 161
جیابوونەوە: 331
- سەرۆکایەتی دادگەی تێھەڵچوونەوەی قادسیە:
هاوسەرگیری: 957
جیابوونەوە: 288
رۆژی 17ـی حوزەیرانی 2024، رووداو لە بەدواداچوونێکدا بۆ ئامارەکانی هاوسەرگیری و جیابوونەوە لە عێراق ئەوەی بڵاوکردەوە لەماوەی 16 مانگدا لە عێراقدا 404 هەزار و 500 گرێبەستی هاوژینی واژۆکراون، لە بەرامبەردا 98 هەزار و 7 هاوژین جیابوونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ