نێچیرڤان بارزانی و قەیس خەزعەلی دۆخی سیاسی و ئاسایشی عێراقیان تاوتوێکرد

 

رۆژی سێشەممە 22-11-2022، نێچیرڤان بارزانی، سەرۆکی هەرێمی کوردستان لە بەغدا لەگەڵ قەیس خەزعەلی، سەرۆکی عەسائیبی ئەهلی حەق کۆبووەوە و پێکەوە لەبارەی دوایین پێشهاتە سیاسی و ئەمنییەکانی عێراق و شەڕی دژە تیرۆر قسەیان کرد. 

 

بە گوێرەی راگەیێندراوی سەرۆکایەتیی هەرێمی کوردستان، نێچیرڤان بارزانی و قەیس خەزعەلی "جەختیان لە گرنگی و پێویستیی پشتگیریکردنی حکومەتی نوێی عێراق و محەممەد شیاع سوودانی، سەرۆکوەزیرانی وڵات کردەوە بۆ جێبەجێکردنی کارنامەکەی و کاری پێکەوەیی و هاریکاریی نێوان لایەن و پێکهاتەکانی عێراق لەپێناو پاراستنی ئارامی و سەقامگیریی سیاسی و ئەمنی و بەپیرەوەچوونی داواکاریی هاووڵاتیان لە ژیانێکی باشتر و خزمەتگوزاری و دەرفەتی کار." 

 

وەک لە راگەیێندراوەکەدا هاتووە، "دووبارەبوونەوەی پێشێلکردنی سەروەریی عێراق و بە ئامانجگرتن و بۆردوومانکردنی هەرێمی کوردستان و دوایین پێشهاتەکانی ناوچەکە بەگشتی تەوەری دیکەی دیدارەکە بوون."