خەمیس خەنجەر: سەردانى ئەردۆغان رۆڵى دەبێت لە سەقامگیريى نێوان عێراق و تورکیا

 

 

ئەو هەڵوێستەى خەمیس خەنجەر، سەرۆکى پارتى سەروەرى، کە نوێنەرایەتیى بەشێک لە سوننەکانى عێراق دەکات لە راگەیێندراوێکدا بوو، کە 22ى نیسان، هاوکات لەگەڵ سەردانەکەى رەجەب تەیب ئەردۆغان سەرۆککۆمارى تورکیا، بڵاویکردەوە.

 

خەمیس خەنجەر دەڵێت، ئەو سەردانە رۆڵى دەبێت لە سەقامگیرى و هاوکاریی نێوان هەردوو وڵات لە پرسەکانى پەیوەندار بە  بنبڕکردنى تیرۆر، سنوور، ئابووری، گەشەپێدان و وەبەرهێنان لەسەرجەم ئاستەکان و پرسە هاوبەشەکاندا.

 

 لە دواى ساڵى 2011  ئەمە دووەم سەردانی رەجەب تەیب ئەردۆغانە بۆ عێراق و هەرێمى کوردستان.

 

سەرۆکى پارتى سەروەرى رایگەیاند، عێراق و تورکیا لەسەر چەندین دۆسیە سازانیان هەیە، لەوانە جێبەجێکردنى پڕۆژەى رێگەى گەشەپێدان، زیادکردنى ئاڵوگۆڕى بازرگانی و کولتوورى، بنبڕکردنى تیرۆرى سنووربڕ.

 

 لەم سەردانەیدا بۆ عێراق سەرۆککۆمارى تورکیا لەگەڵ محەممەد شیاع سوودانى، سەرۆکوەزیران، زیاتر لە 22 رێککەوتن و یاداشتى لێکتێگەیشتنی واژۆ کرد.