باڵیۆزی ئەمریکا: ئەم ساڵ 400 عێراقی بۆ خوێندن و راهێنان سەردانی ئەمریکا دەکەن

 

ئەلینا رۆمانۆوسکی، باڵیۆزی ئەمریکا لە عێراق لە پۆستێکدا لە هەژماری خۆی لە تۆڕی کۆمەڵایەتی ئێکس رایگەیاند: "ئایا دەزانێت باڵیۆزخانەی ئەمریکا لە بەغدا پشتیوانی گەشتکردنی 400 هاووڵاتی عێراقی بۆ ویلایەتە یەکگرتووەکانی ئەمریکا لە ساڵی 2024 دەکات." 

 

باڵیۆزی ئەمریکا لە عێراق دەڵێت: "ئەوانەی دەڕۆن لە چوارچێوەی پرۆگرامەکانی ئاڵوگۆڕی فێرکردن و پیشەیین، لەنێویاندا پرۆگرامەکانی Fulbrightprgrm@، ‌Humphreyprogram@‌، لەگەڵ پرۆگرامی @ايلب."

 

باڵیۆزی ئەمریکا لە عێراق داوا دەکات خەڵک بۆ دەرفەتی دیکە لە رێگەی ئەم وێبسایتانەوە داواکاری پێشکێش بکەن:

 https://iq.usembassy.gov/exchange-programs/ ،   y.gov/exchange-programs/  

 

عێراق و ئەمریکا رێککەوتنێکیان بەناوی "چوارچێوەی ستراتیژیی هەیە" کە لە ساڵی 2008 واژۆکراوە و ساڵی کانوونی دووەمی 2009 چووە واری جێبەجێکردنەوە. 

 

رێککەوتنەکە حەوت بوار لە خۆدەگرێت کە بریتین لە سیاسەت و دیپلۆماسی، بەرگری و ئاسایش، کولتووری، ئابووری و وزە، تەندروستی و ژینگە، تەکنەلۆژیای زانیاری و پەیوەندییەکان، جێبەجێکردنی یاسا و دادوەری.

 

ساڵانە بە سەدان عێراقی لە چوارچێوەی چەندین پرۆگرامی ئەمریکا بە پشتیوانی دارایی لەلایەن ئەمریکاوە، سەردانی ئەو وڵاتە دەکەن.