لە عێراق بە سێ مانگ 20 هەزار خێزان لە یەکدی جیابوونەتەوە

 

بەپێی ئامارەکانی ئەنجوومەنی باڵای دادوەریی عێراق، لە مانگەکانی کانوونی دووەم، شوبات، ئاداری ئەم ساڵ 84 هەزار و 102 مامەڵەی هاوسەرگیری لە دادگەکان کراون، 19 هەزار و 999 جیابوونەوەش هەبوون، واتە رێژەی جیابوونەوە بە بەراورد بە هاوسەرگیری 23.7% بووە.

 

کوردە عومەر، ئەندامی لیژنەی ئافرەتان، خێزان و منداڵان لە پەرلەمانی عێراق، بەتۆڕی میدیایی رووداوی گوت: "ئامارەکانی تایبەت بە هەڵوەشاندنەوەی خێزانەکان لە عێراق مەترسیدارن، لە هەرێمی کوردستانیش بە هەمان شێوە، ئەمە لە داهاتوودا کێشەی گەورە بۆ لایەنی کۆمەڵایەتی و سیستەمی ژیان دروستدەکات."

 

وەک کوردە عومەر دەڵێت: هۆکاری جیابوونەوەکان "هاوسەرگیریی پێشوەختە، ناپاکیی نێوان هاوژینەکان و تەکنەلۆژیا، ئابووری، دەستوەردانی کەسوکاری هاوژینەکان لە کارووباری ژن و مێرد، جگە لە هۆکارێکی دیکە کە زۆریی ئەو خێزانانەیە کە لە یەک خانوودا دەژین."ـن

 

ئەو پەرلەمانتارە باس لەوەش دەکات کە بەهۆی نەبوونی ستراتیژێک لەلایەن عێراق و هەرێمی کوردستانەوە بۆ بەرگرتن لە هەڵوەشاندنەوەی خێزانەکان، پرسی جیابوونەوە لە داهاتوودا دەبێتە مەترسییەکی گەورە، بۆیە دەبێت بە یاسا و بە جێبەجێکردنی و بە ستراتیژ رێگری لەو مەترسییە بکرێت.

 

 

 

- هاوسەرگیری: 30 هەزار و 895

- گرێبەستەکانی هاوسەرگیری: 27 هەزار و 295

- پەسندکردنی گرێبەستی هاوسەرگیری دەرەوەی دادگە: 3 هەزار و 600 

- جیابوونەوە: 7 هەزار و 453 

- پەسندکردنی جیابوونەوەی دەرەکی: 5 هەزار و 610

- جیاکردنەوە بە بڕیاری دادگە: 1 هەزار و 843

 

 

- هاوسەرگیری: 29 هەزار و 119

- گرێبەستەکانی هاوسەرگیری: 25 هەزار و 793

- پەسندکردنی گرێبەستی هاوسەرگیری دەرەوەی دادگە: 3 هەزار و 326 

- جیابوونەوە: 6 هەزار و 324 

- پەسندکردنی جیابوونەوەی دەرەکی: 4 هەزار و 560

- جیابوونەوە بە بڕیاری دادگە: 1 هەزار و 764

 

 

- هاوسەرگیری: 24 هەزار و 88

- گرێبەستەکانی هاوسەرگیری: 21 هەزار و 215

- پەسندکردنی گرێبەستی هاوسەرگیری ئەوانەی لە دەرەوەی دادگە بوون: 2 هەزار و 873 

- جیابوونەوە: 6 هەزار و 222 

- پەسەندکردنی جیابوونەوەی دەرەکی: 4 هەزار و 417

- جیابوونەوە بە بڕیاری دادگە: 1 هەزار و 805