رووداو دیجیتاڵ
ئەمڕۆ چوارشەممە 15-12-2021، وەزیری کۆچ و کۆچبەرانی حکومەتی عێراق، دۆخی تەندروستیی تێکچوو و "بەپەلە" گەیێندرایە نەخۆشخانە. گوتەبێژی وەزارەتەکەش دەڵێت، تەندروستیی باشە.
عەلی عەباس، گوتەبێژی وەزارەتی کۆچ و کۆچبەرانی عێراق بە تۆڕی میدیایی رووداوی راگەیاند، ئیڤان فایەق، وەزیری کۆچ و کۆچبەران، بەهۆی ماندووبوون و هیلاکییەوە پەستانی خوێنی دابەزیوە و بەهۆیەوە دۆخی تەندروستیی تێکچووە. پاشان گەیێندراوەتەوە یەکێک لە نەخۆشخانەکانی شاری بەغدا.
گوتەبێژی وەزارەتی کۆچ و کۆچبەران رەتیکردەوە وەزیرەکە تووشی جەڵتەی مێشک بووبێت و دۆخی تەندروستیی خراپ بێت، وەک ئەوەی لە هەندێک میدیا و تۆڕە کۆمەڵایەتییەکان بڵاوکراوەتەوە.
بەپێی ئەو زانیارییانەی کە گوتەبێژەکەی وەزارەتی کۆچ و کۆچبەران بە رووداوی دا "ئێستا دۆخی تەندروستیی وەزیری کۆچ و کۆچبەران جێگیرە و لە نەخۆشخانە چارەسەری پزیشکی وەردەگرێت."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ