رووداو دیجیتاڵ
لە چوار پارێزگای عێراق (دیوانیە، سەلاحەدین، موسەننا، زیقار) بەهۆی بارانبارین و مەترسیی لافاو، پشووی فەرمی راگەیێندرا.
هەریەک لەو پارێزگایانە لەڕێگەی راگەیێندراوی فەرمیی پارێزگاوە پشووی فەرمییان بۆ دەوامی سبەی (پێنجشەممە، 16-11-2023) راگەیاندووە.
لە سەرجەم پارێزگاکان وەک لە راگەیێندراوەکانیاندا هاتووە، پشووەکە بۆ ئەو قوتابییانە نییە، کە تاقیکردنەوەی دەوری سێیەمیان هەیە. پشووەکە هەروەها فەرمانگە خزمەتگوزاری، ئەمنی و تەندروستییەکان ناگرێتەوە.
دەستەی کەشناسیی عێراق ئەمڕۆ رایگەیاند پێشبینی دەکەن لە سەرانسەری وڵات لە رۆژانی داهاتوودا بارانی مامناوەند بۆ بارانی بەخوڕ ببارێت و، لە هەندێک شوێندا هەورەبرووسکەشی لەگەڵدا بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ