رووداو دیجیتاڵ
هەندێک لە میلیشیا شیعەکان کە خۆیان بە "مقاوەمەی عێراقی" دەناسێنن دەڵێن بڕە پارەیەکی زۆری بەو کەسانە دەدەن کە زانیارییان لەسەر ئەفسەرانی دەزگای هەواڵگریی ئەمریکا و مۆسادی ئیسرائیل پێبدەن.
"مقاوەمەی عێراقی" دەڵێت بڕێک پارەی زۆری بۆ ئەو کەس و دەزگا ئاسایشییانە و ئەو بیانییانە تەرخانکردووە کە زانیارییان لەسەر ئەفسەرانی CIA و مۆسادی ئیسرائیلی پێبدات، هەروەها ئەم بڕە پارەیە بۆ بەعسی و ئەندامانی داعشیش هەیە لەوانەی کە نیشتەجێی عێراقن و پەیوەندییان بە دەزگا هەواڵگرییەکانی دەرەوەی عێراق هەیە.
لە راگەیێنراوەکەیدا ئەو میلیشیایانە هیچ بڕە پارەیەکیان دیاری نەکردووە. مەرجی ئەوەشی داناوە کە دەبێت بە بەڵگەی تەواو و یاسایی تاوانەکان بسەلمێنرێت بۆ ئەوەی ئەو کەسانە بە سزای خۆیان بگەن.
هەڵوێستەکەشی بۆ پشتیوانی لە ئاسایش و سەروەریی عێراق ناوبردووە بۆ دەرهێنانی گەلی عێراق لەوەی ناوی لێناوە: "وەحشیگەریی داگیرکاریی ئەمریکا و رۆڵی تاوانکارانی زایۆنییەت".
رۆژی پێنجشەممە 10ی حوزەیرانی 2021 وەزارەتی دەرەوەی ئەمریکا خەڵاتێکی 3 ملیۆن دۆلاری بۆ ئەو کەسانە راگەیاند، کە زانیاری لەسەر ئەو کەسانە پێبدات کە بە مووشەک یان درۆن هێرش دەکەنە سەر دامەزراوەکانی ئەمریکا لە عێراق.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ