هادی عامری.
رووداو دیجیتاڵ
سەرۆکی فراکسیۆنی نەبنی کە هاوکات سەرۆکی رێکخراوی بەدرە، بە رووداوی راگەیاند، سەردانەکەی سەرۆک بارزانی سەردانێکی سەرکەوتووانە بووە و حکومەت رژدە بۆ چارەکردنی هەموو ئەو کێشانەی ماونەتەوە لەگەڵ حکومەتی هەرێمی کوردستان.
ئێوارەی ئەمڕۆ پێنجشەممە، 4ـی تەممووزی 2024، هادی عامری دوای کۆبوونەوەی لەگەڵ سەرۆک بارزانی، قسەی بۆ رۆژنامەڤانان کرد و بە هەڵکەوت عەزیز، پەیامنێری تۆڕی میدیایی رووداو لە بەغدا گوت: "سوپاس بۆ خوا، برای بەڕێزمان مەسعود بارزانی سەردانێکی سەرکەوتووی بۆ بەغدا کرد. بەستەڵەکی شکاند و گفتوگۆی جیدی لەبارەی حکومەتەوە کرد."
لەبارەی چارەکردنی کێشەکانی نێوان هەولێر و بەغدا، هادی عامری بە رووداوی گوت: "حکومەت مکوڕە بۆ چارەکردنی هەموو ئەو کێشانەی ماونەتەوە لەگەڵ هەرێم[ـی کوردستان]."
هادی عامری لەبارەی کۆبوونەوەی سەرۆک بارزانی لەگەڵ سەرکردەکانی چوارچێوەی هاوئاهەنگی گوتی: "دیداری بەڕێزیان لەگەڵ چوارچێوەی هاوئاهەنگی، دیدارێکی دۆستانە و برایانەی راشکاوانە بوو. بە راشکاوی قسەی کرد و بە راشکاوی لەگەڵ بەڕێزیان قسەمان کرد. پێمانوایە ئەم دیدارانە زۆر گرنگن بۆ سەقامگیری ئەمنی و سیاسیی عێراق و لەپێناو عێراقێکی بەهێز و گەشەسەندوودا."
دەقی قسەکانی هادی عامری، سەرۆکی فراکسیۆنی نەبنی
"سوپاس بۆ خوا، برای بەڕێزمان مەسعود بارزانی سەردانێکی سەرکەوتووی بۆ بەغدا کرد. بەستەڵەکی شکاند و گفتوگۆی رژدی لەبارەی حکومەت کرد. حکومەتیش مکوڕە بۆ چارەکردنی هەموو ئەو کێشانەی ماونەتەوە لەگەڵ هەرێم[ـی کوردستان]. هەروەها دیداری بەڕێزیان لەگەڵ چوارچێوەی هاوئاهەنگی، دیدارێکی دۆستانە و برایانەی راشکاوانە بوو. بە راشکاوی قسەی کرد و بە راشکاوی لەگەڵ بەڕێزیان قسەمان کرد. پێمانوایە ئەم دیدارانە زۆر گرنگن بۆ سەقامگیری ئەمنی و سیاسیی عێراق لەپێناو عێراقێکی بەهێز و گەشەسەندوو."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ