رووداو- هەولێر
پەرلەمانتارێكی ئیئتیلافی وەتەنییە بە سەرۆكایەتی ئەیاد عەلاوی، راگەیاندنی دەوڵەتی كوردی بە پرسێكی كوردی دەزانێت و لەهەمان کاتدا دەڵێت دەبێ بە تەوافوقی نێودەوڵەتی بێت.
مەحموود مەشهەدانی، پەرلەمانتاری ئیئتیلافی وەتەنییە و سەرۆكی پێشووی پەرلەمانی عێراق، لە كۆنگرەیەكی رۆژنامەوانییدا لە شاری بەغدا گوتی، "راگەیاندنی دەوڵەتی كوردی پرسێكی كوردییە".
مەحموود مەشهەدانی راشیگەیاند، پێویستە تەوافوقی نێودەوڵەتی لەسەر راگەیاندنی دەوڵەتی كوردی هەبێت و دەستووریش باس لەوەدەكات عێراق ئیتیحادییە.
لەبارەی هەمواركردنی دەستوور، مەشهەدانی ئاماژەی بەوەكرد، كە ئەگەر لایەنەكان گەیشتنە رێككەوتن لەبارەی هەمواركردنەوەی دەستوور، ئەوكات هەڵوێستی خۆیان رادەگەیێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ