تەندروستیی نەینەوا: ژمارەی گیان لەدەستدان لە رووداوەکەی حەمدانیە گەیشتە 113 کەس

 

رۆژی دووشەممە، 02-10-2023، بەڕێوەبەرایەتی گشتیی تەندروستیی نەینەوا، نوێترین ئاماری قوربانییانی رووداوی ئاگرکەوتنەوەکەی حەمدانیەی بڵاوکردەوە و دەڵێت، ژمارەی گیان لەدەستدانی رووداوەکەی حەمدانیە، بەرزبووەتەوە بۆ 113 کەس و لەو 41 تەرمەی کە نەناسراونەتەوە پێنج تەرمیان شێواون. 

 

لە راگەیێندراوەکەی تەندروستیی نەینەوادا هاتووە، "نموونەی تەرمە نەناسراوەکانمان بۆ دادپزیشکی بەغدا ناردووە بۆ ئەوەی پشکنینی DNA یان بۆ بکرێت بەمەبەستی ناسینەوەیان."

 

تەندروستیی نەینەوا دەشڵێت، "تاوەکو ئێستا 12 بریندار رەوانەی دەرەوە کراون و ئامادەکاری بۆ ناردنی هەشت برینداری دیکە دەکرێت."

 

 

 

تەمەن 15 ساڵ، 96٪ی سووتاوە

تەمەن 51 ساڵ، 71٪ی سووتاوە

تەمەن 58 ساڵ، 42٪ی سووتاوە

 

 

تەمەن 47 ساڵ، 25٪ی سووتاوە

تەمەن 70 ساڵ، 8٪ی سووتاوە

تەمەن 59 ساڵ، 6٪ی سووتاوە

تەمەن 37 ساڵ، کە 20٪ سووتاوە

تەمەن 20 ساڵ، 15٪ی سووتاوە

هەروەها، دوو بریندار لە نەخۆشخانەی حەمدانیە نێردراونەتەوە.

 

 

هەشت بریندار لە نەخۆشخانەی سووتاوی هەولێر (ئیمێرجنسی) چاوەڕوانی رەوانەکردنن بۆ دەرەوەی وڵات و ئێستا 11 بریندار لەو نەخۆشخانەیە ماونەتەوە و یەکێکیش گیانی لەدەستداوە.

 

لە نەخۆشخانەی دهۆک، شەش بریندار ماونەتەوە و یەکێک گیانی لەدەستداوە و یەکێکی دیکەش نێردراوەتە دەرەوەی وڵات.