لە کەرکووک پیاوێک منداڵە سێ مانگەکەی فڕێدەداتە نێو حەوز و دەخنکێت

 

عامر نووری، گوتەبێژی پۆلیسی کەرکووک ئەمڕۆ بە تۆڕی میدیایی رووداوی راگەیاند، "درەنگانی شەوی رابردوو (یەکشەممە، 1-9-2024) پیاوێک لە ناحیەی تازە سەر بە پارێزگای کەرکووک، منداڵەکەی خۆی کە تەمەنی سێ مانگ بووە، فڕێ داوەتە نێو حەوزێكی ئاوەوە و بەو هۆیەوە منداڵەکە خنکاوە."

 

عامر نووری گوتی، "بۆمان دەرکەوتووە باوکەکە کە لە نەتەوەی عەرەبە، لە رووی دەروونییەوە دۆخی باش نییە و کێشەی دەروونی هەیە."

 

بەگوێرەی زانیارییەکان، باوکەکە دەستگیرکراوە و لە کاتی لێکۆڵینەوەی سەرەتاییدا گوتوویەتی، "کێشەم لەگەڵ هاوژینەکەم هەبووە؛ بۆیە ئەو تاوانەم ئەنجامداوە."