چوار کەس لەسەر "گێچەڵە سێکسییەکە"ی بەسرە دەستگیر کراون

 

 

رووداوەکە سێشەممە 1ى نیسانی 2025 لە سەیرانگەى بەسرەلاند روویداوە و دیمەنەکانى لەنێو تۆڕە کۆمەڵایەتییەکان بڵاوبوونەتەوە.

 

سەرچاوەیەکى ئەمنى لە پارێزگاى بەسرە بە رووداوى گوت، "سەرەتا گێچەڵى سێکسی بە چەند کچێک کراوە، دواتر بەهۆیەوە شەڕ و دەمەقاڵێ روویداوە."

 

بەرەبەیانى ئەمڕۆ چوارشەممە 2ى نیسانى 2025 فەرماندەیی پۆلیسی بەسرە راگەیێندراوێکى لەبارەى ئەو رووداوە بڵاوکردەوە و رایگەیاند، لەدواى بڵاوبوونەوەى ئەو دیمەنانە رێوشوێنى یاسایی بەرامبەر بەو کەسانە گیراوەتەبەر کە بەشداربوون لە شەڕەکەدا.