رووداو دیجیتاڵ
بەڕێوەبەری پۆلیسی پارێزگای لوڕستان رایگەیاند، لە ئۆپەراسیۆنێکدا دەست بەسەر 120 کیلۆگرام مادەی هۆشبەردا گیرا.
یەحیا ئیلاهی، بەڕێوەبەری پۆلیسی پارێزگای لوڕستان رایگەیاند، لەلایەن تیمەکانی بەرەنگاربوونەوە و نەهێشتنی مادە هۆشبەرەکان، ئۆپەراسیۆنێکی هاوبەش لە هەموو شارەکانی پارێزگاکە کرا و لە ئەنجامدا دەست بە سەر 120 کیلۆگرام مادەی هۆشبەردا گیرا.
بە گوتەی ئیلاهی، لە ئۆپەراسیۆنەکەدا هێزەکانیان دەستیان بەسەر چەندین پارچە چەکی نایاساییشدا گرتووە و چەند کەسێکیش دەستگیر کراون.
بەگوێرەی راگەیێندراوێکی بەڕێوەبەرایەتیی پۆلیسی پارێزگای لوڕستان کە رۆژی چوارشەممە 08-05-2024 بڵاوکرایەوە، لە ماوەی 50 رۆژدا دەستیان بەسەر دوو تۆن و 50 کیلۆگرام مادەی هۆشبەر گرتووە و 560 قاچاخچی و وردەفرۆشیش دەستگیر کراون.
لە راگەیێندراوەکەدا ئەوەش خراوەتەڕوو، لەو ماوەیەدا دەست بەسەر 48 بارهەڵگر و ئۆتۆمبێلی تایبەتیشدا گیراوە، کە مادەی هۆشبەریان تێدا بووە، زۆربەیان لە پارێزگاکانی باشووری ئێرانەوە هاتوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ