دیمەنێک لە کاتی هێرشەکە
رووداو دیجیتاڵ
وەزارەتی بەرگریی ئێران رایگەیاند، کۆمەڵگەیەکی بەرهەمهێنانی وەزارەتی بەرگری لە شاری ئیسفەهان بە سێ درۆن هێرشی کراوەتەسەر، بەڵام هێرشەکەی بە "ناسەرکەوتوو" لە قەڵەمدا و دەڵێت، "زەرەر و زیانێکی ئەوتۆی نەبووە."
وەزارەتی بەرگریی ئێران سەر لە بەیانیی ئەمڕۆ یەکشەممە 29-01-2023 رایگەیاند، بە سێ درۆن هێرش کراوەتە سەر کۆمەڵگەیەکی بەرهەمهێنان، کە یەکێک لە درۆنەکان بە "سیستمی دژە مووشەکی کۆمەڵگەکە لێی دراوە و دوو درۆنی دیکەش کەوتوونەتە داوی سیستمی بەرگری و تەقیونەتەوە."
ئەو هێرشە دوایین ساتەکانی شەوی 28-01-2023 روویداوە و بەپێی راگەیێندراوی وەزارەتی بەرگریی ئێران، هێرشەکە بەهۆی "پێشبینییەکان و رێوشوێنە رەچاوکراوەکان بە سەرکەوتوویی پووچەڵ کراوەتەوە."
وەزارەتی بەرگریی ئێران دانی بەوەدا ناوە، سەربانی یەکێک لە کارگەکان زیانی بەرکەوتووە، بەڵام "کێشەیەکی بۆ دامودەزگا و چالاکییەکانی کۆمەڵگەکە دروست نەکردووە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ