رووداو دیجیتاڵ
گەنجێک لە گوندی چغاوپوکەی سەر بە پارێزگەی ئیلام، بەهۆی تەقینەوەی سیستمی گازی ماڵەکەیان گیانی لەدەستدا.
بەپێی زانیارییەکانی رووداو، رووداوەکە کاژێر 02:00ـی بەرەبەیانی ئەمڕۆ (چوار شەممە 27/11/2024)، روویداوە.
رووداوەکە بەهۆی کونبوونی بۆریی گازی ناوچەکە بووە، لە ئەنجامدا سیستمی گازی ماڵەکە تەقیوەتەوە و گەنجێکی 25 ساڵە گیانی لەدەستداوە.
دانیشتوویێکی گوندەکە گوتی، لەو کاتەدا تەنیا ئەو کەسەی گیانی لەدەستداوە لە ماڵەوە بووە. برینی گەنجەکە زۆر سەخت بووە و بەیانی ئەمڕۆ گیانی لەدەستداوە.
رووداوەکە جگە لە زیانی گیانی، زیانی ماددی زۆریشی لیکەوتوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ