عاشوورا بۆ شیعەمەزهەبانی تاران واتا 'بەرەنگاربوونەوەی ستەمکاری'

بەرزکردنەوەی ئاڵای سووریش گوزارشتێکە لە رژانی خوێنی ئیمام حوسێن.

 

کەیوان محەممەدی، بەشداربوو لە رێوڕەسمەکانی عاشوورا لە کەربەلا دەڵێ "ئیمام حوسێن دەیویست خەڵك فێربکات ئازاد بن، هەتاوەکو ئەگەر کەسانی باوەڕداریش نەبن، نابێت ملکەچی ستەمکاری بن. دەیویست ئەمە فێری خەڵک بکات."

 

لە نێوەڕاستی رێوڕەسمەکەدا چادرێکی سپی هەڵدرا و دواتر گڕی تێبەردرا، ئەمەش گوزارشت بوو لەوەی لەو رۆژەدا لە کەربەلا هێرش کراوەتە سەر نەوەکەی پەیامبەر محەممەدی کوڕی عەبدوڵڵا، دروودی خوای لەسەر بێت، چادرەکەشی سووتێندراوە و هاوەڵانیشی کۆمەڵکوژ کراون.

 

مونا قاسمی، بەشداربوویێکی دیکەی رێوڕەسمەکان باسی ئەوە دەکات "موسڵمانان هیچکات رێگەی ئیمام حوسێن بەرنادەن و لەسەری بەردەوام دەبن. هەرگیز خۆمان بەدەست ستەمکارییەوە نادەین. دەست بەو پەیڕەوەوە دەگرین بۆ ئەوەی پیشانی وڵاتانی بدەین، ناتوانن ستەممان لێبکەن و لەنێومان ببەن." 

 

شیعەکان 10٪ـی موسڵمانانی جیهان پێکدێنن کە ژمارەیان 1.8 ملیار کەسە. 

 

ئەمساڵ 6 ملیۆن زیارەتکار لە ئێرانەوە بۆ عاشوورا سەردانی عێراقیان کردووە.