رووداو دیجیتاڵ
رێکخراوی هەرەوەزی گوندەکانی ئێران دەڵێت، لە پێنج مانگی رابردوودا نزیکەی 16 هەزار تۆن فستق بە بەهای نزیکەی 110 ملیۆن دۆلار هەناردەی 44 وڵات کراوە.
ئەمرۆ دووشەممە، 4-9-2023، سەید رووحوڵڵا لەتیفی، بەرپرسی فەرمانگەی گشتیی لێکۆڵینەوە، بەدواداچوون و بازرگانی دەرەکیی رێکخراوی ناوەندی هەرەوەزی گوندەکانی ئێران رایگەیاند، لە مانگی ئادارەوە تا کۆتایی مانگی ئابی ئەمساڵ، 15 هەزار و 981 تۆن فستق بە بەهای 109 ملیۆن و 714 هەزار دۆلار لە ئێرانەوە هەناردە کراوە.
سەید رووحوڵڵا لەتیفی گوتی، بەراورد بە هەمان ماوەی ساڵی پار، هەناردەی فستقی ئەو وڵاتە لە بەرهەمدا 6% و لە نرخدا 1% دابەزیوە.
گوتیشی، بەرهەمی فستقی ئێران ئەمساڵ هەناردەی 44 وڵات کراوە، کە زیاترین رێژەی هەناردەی رووسیا کراوە کە 23٪ کۆی گشتیی هەناردەکردنی بەرهەمەکە پێکدەهێنێت و 3 هەزار و 733 تۆن بە بەهایی 25 ملیۆن دۆلارە.
بەپێی بەرپرسەکەی رێکخراوی هەرەوەزی گوندەکانی ئێران، دوای رووسیا، زۆرترین فستقی ئێرانی هەناردەی وڵاتانی ئەڵمانیا، ئیمارات، قیرگیستان و چین کراوە کە بەمشێوەیە بووە: ئەڵمانیا بە بەهای 11.2 ملیۆن دۆلار، ئیمارات 11 ملیۆن دۆلار، قیرگیزستان 8.5 ملیۆن دۆلار و چین 7.5 ملیۆن دۆلار.
سەید رووحوڵڵا لەتیفی رایگەیاند، بەشێک لە هەناردەی فستقی ئێرانی بۆ عێراق بووە و لەم رووەوە عێراق لە دوای هیندستان بە پلەی حەوتەم دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ