خۆپێشاندانێک لە ئێران بەهۆی ئەوە بەشێک لە دایک و باوکان ناڕازین منداڵەکانیان لە قوتابخانە حکومییەکان بخوێنن
رووداو دیجیتاڵ
بەشێک لە دایک و باوکی قوتابییان لە ئێران دەڵێن، بەهۆی ئەوەی لە قوتابخانە حکومییەکان بە تووندی رەچاوی پرەنسیپەکانی تایبەت بە مەزهەبی شیعە دەکرێت، بۆیە منداڵەکانیان لەو قوتابخانانە دەردەهێنن و دەیانبەنە قوتابخانەی تایبەت.
دایکی قوتابییەک دەڵێت، پارەی زیاتریان داوە بۆ ئەوەی منداڵەکانیان لە قوتابخانە تایبەتەکان بخوێنن و لە قوتابخانە حکومییەکان دوور بخەنەوە. مامۆستایەکی یەکێک لە قوتابخانە حکومییە ئایینییەکانیش دەڵێت، ئەمە کاری ئەوانی زەحمەت کردووە بەوەی زیاتر قوتابییانیان هۆشیار بکەنەوە و ئەمە بە "پلانی دوژمنان" ناودەبات.
گیسوو درەخشانی، مامۆستا دەڵێت، "ئەوەی کە روویدا کارەکەی ئێمەی زۆر قورس کرد، بەوەی وای لە ئێمە کرد زیاتر لەگەڵ کچەکان قسە بکەین و پێیان بڵێن ئاگاتان لە خۆتان بێت دەبێت زیرەک و وشیار بن و تێبگەن دوژمنەکانمان دەیانەوێت بە رێگەیەکی خراپدا بمانبەن".
خۆپێشاندانەکانی ئەیلوولی ساڵی رابردوو جێ پەنجەی خۆیان لە بەشێک لە کۆمەڵگەی رۆژهەڵاتی کوردستان و ئێران جێهێشت.
مەعسومە، هاووڵاتییەکی ئێرانییە و باس لەوە دەکات، "ئێمە پارەی زیاترمان داوە تاوەکو بتوانین منداڵەکانمان بخەینە قوتابخانە تایبەتەکان و لە قوتابخانە حکومییە مەزهەبییەکان دووریان بخەینەوە".
لایەنگرانی خۆپێشاندانەکان پێیانوایە حکومەت هزری منداڵان تیرۆر دەکات و ناچار بە هەڵبژاردنی یەک رێگەیان دەکات کە رێگەی مەزهەبییە؛ لە کاتێکدا بە گوتەی ئەوان، لە ژیاندا چەندین رێگە هەن کە مەزهەب یەکێكە لەوانە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ