لە کرماشان چوارەمین فێستیڤاڵی جوانترین ئەسپی کوردی بەڕێوەچوو
رووداو - هەولێر
لە یاریگەی ئازادی کرماشان، چوارەمین فێستیڤاڵی ئەسپی رەسەنی کورد بەڕێوەچوو، سێ رۆژی خایاند و 210 ئەسپ لە هەموو ناوچەکانی رۆژهەڵاتی کوردستان و ئێران نمایشکران.
سەتار ئەڵماسی، سەرۆکی دەستەی سوارچاکی پارێزگای کرماشان بە تۆڕی میدیایی رووداوی راگەیاند، فێستیڤاڵی ئەمساڵ جیاواز بووە لە رابردوو و ژمارەی سوارچاک و بینەریشی زیاتر بووە.
چوار ساڵە فێستیڤاڵی هەڵبژاردنی جوانترین ئەسپ لە کرماشان بەڕێوەدەچێت، سەتار ئەڵماسی ئاشکراشیکرد، دەیانەوێت برەو بە پیشەی بەخێوکردنی ئەسپ بدەن و چاکسازی لە رەگەزی ئەسپی رەسەنی کوردیدا بکەن.