رووداو دیجیتاڵ
بە مەبەستی بەشداریکردن لە كۆنفرانسى نه‌ته‌وه يه‌كگرتووه‌كان بۆ گۆڕانى كه‌شوهه‌وا (COP28)، رەجەب تەیب ئەردۆغان، سەرۆککۆماری تورکیا، گەیشتە ئیمارات.
کاژێر 15:45 خولەکی ئەمڕۆ پێنجشەممە 30ـی تشرینی دووەمی 2023، سەرۆککۆماری تورکیا، لە فڕۆکەخانەی ئەسەنبۆغا لە ئەنقەرە بەرەو ئیمارات بەڕێکەوت.
هەریەک لە ئەمینە ئەردۆغانی هاوژینی سەرۆککۆمار، مەهمەت ئۆزهاسەکی، وەزیری ژینگە و شارسازی، عەبدولقادر ئوراڵئۆغڵو، وەزیری گواستنەوە و ژێرخان، فەخرەددین ئاڵتوون، سەرۆکی فەرمانگەی پەیوەندییەکانی سەرۆکایەتیی کۆمار و عاکیف چاغتای کڵچ، گەورە راوێژکاری سەرۆککۆمار، لەو گەشتەکەدا یاوەری ئەردۆغان دەکەن.
سبەی هه‌ينى 1ـی کانوونی یەکەمی 2023، هاوكات له‌گه‌ڵ رۆژى نيشتمانيى ئيماراتدا به ئاماده‌بوون و به‌شداريى ژماره‌يه‌كى به‌رچاوى سه‌ركرده‌كانى جيهان، له شارى ئێكسپۆ دوبه‌ى كۆنفرانسەکە بەڕێوەدەچێت.
ئيمارات سه‌رۆكايه‌تيى ئه‌م گەڕەی كۆنفرانسه‌كه ده‌كات و پرسه‌كانى تايبه‌ت به گۆڕانى كه‌شوهه‌وا و چۆنيه‌تيى رووبه‌ڕووبوونه‌وه‌ى لێكه‌وته‌كانى و رۆڵى وڵاتان له كه‌مكردنه‌وى مه‌ترسييه‌كانيدا، تاوتوێ ده‌كات.
لە دوبەیی ئیمارات لە 30ـی تشرینی دووەم تاوەکو 12ی کانوونی یەکەمی ئەم ساڵ، 200 وڵات، هەرێم و رێکخراو بەشداری لە کۆنفرانسی تایبەت بە گۆڕانی کەشوهەوا دەکەن کە بە کۆپ 28 ناسراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ