مانگى سوورى عێراق: 765 تۆن هاوکاریمان بۆ فەلەستین و لوبنان ناردوون

 

رۆژی 27ى تشرینى دووەمى 2024، غەسان سوینى، بەرپرسی راگەیاندنى کۆمەڵەى مانگى سوورى عێراق بە تۆڕى میدیایی رووداوى راگەیاند: لە دواى ئاڵۆزییەکانی غەززەى فەلەستین 750 تۆن  خواردن و دەرمان و پێداویستى پزیشکییان رەوانەى فەلەستین کردوون.

 

غەسان سوینى گوتى: "10 ملیۆن لیتر گازمان رەوانەى فەلەستین کردووە بۆ کارپێکردنى مۆلیدەى نەخۆشخانەکانى غەززە.

 

رۆژی 7ـی تشرینى یەکەمى 2023  بزووتنەوەی حەماس بە بەشداری چوار هەزار و 500 چەکدار و بەکارهێنانی سێ هەزار و 500 مووشەک، ئۆپەراسیۆنی "تۆفانی ئەقسا"ـی لە دژی ئیسرائیل دەستپێکرد، دواتر ئیسرائیل بە هێرشی مووشەکی بۆ سەر کەرتی غەززە و گەمارۆ خستنە سەر کەرتەکە، وەڵامی هێرشەکەی حەماسی دایەوە.

 

بەرپرسی راگەیاندنى کۆمەڵەى مانگى سوورى عێراق گوتى: "بە دوو فڕۆکە 15 تۆن دەرمان و پێداویستى پزیشکییمان وەک هاوکاریى رەوانەى لوبنان کردووە تاوەکو لە رێگەى مانگى سوورى ئەو وڵاتەوە بدرێتە نەخۆشخانەکان".