یەکەم تووشبووی کۆرۆنای گۆڕاو لە لوبنان تۆمارکرا

 

ئەو تووشبووەی لوبنان لە 21ـی ئەم مانگەوە لە بەریتانیاوە گەشتی بۆ وڵاتەکە کردووە. وەزیری تەندروستیی لوبنان دەڵێت، لەنێو فڕۆکەی هێڵی فڕۆکەوانیی رۆژهەڵاتی ناوەڕاست بووە، داواشی لە خێزان و کەسوکاری ئەوانە کردووە کە لە فڕۆکەکەدابوون، خۆیان بپارێزن. 

 

لوبنان کە ژمارەی دانیشتووانی بە نزیکەی شەش ملیۆن کەس دەخەمڵێندرێت، زیاتر لە 1000 گیانلەدەستدانی بە کۆرۆنا تێداتۆمارکراوە. بەم دواییەش ژمارەی تووشبووانی کۆرۆنا زیاتر بەرزبوونەتەوە لەکاتێکدا وڵاتەکە بەدەست قەیرانی داراییەوە دەناڵێنێت.