لە سعودیە گەورەترین پێشبڕکێی راکردنی حوشتر تایبەت بە خانمان بەڕێوەچوو

 

کۆرالیی ڤیرۆولاود، یەکەمی پێشبڕکێکەیە و دەڵێت، "پێشبڕکێکە زۆر جوان بوو. دوای چەندین مانگ راهێنان، لە کۆتاییدا بردمەوە. دوو ساڵ دەبێت حوشترسواری دەکەم و هەفتەی جارێک یان دووجار لە دوبەی راهێنانم دەکرد."

 

مەودای پێشبڕکێکە دوو کیلۆمەتر بوو؛ دوو هەزار و 87 حوشترسوار لە حەوت وڵاتی جیهانەوە بەشدارییان کرد؛ ژنێکی سعودی پلەی دووەم و ژنێکی ئەڵمانیش پلەی سێیەمییان بەدەستهێنا.

 

بە هەر سێکیان 18 ملیۆن و 670 هەزار دۆلاریان وەرگرت کە بە گەورەترین خەڵاتی پێشبڕکێیەکی لەو جۆرە دادەنرێت.

 

لیندا گۆکنبەرگ، سێیەمی پێشبڕکێکەیە و دەڵێت، "بەشداریی دووەم پێشبڕکێی حوشتر بووم لە سعودیە. ئەمە زۆر گرنگە کە لەم وڵاتە پێشوازیت لێبکرێت و بەشداریی پێشبڕکێیەک بکەیت کە پیاوان تێیدا زاڵن، بەڵام ئێستا ژنانیش بەشداری دەکەن. ئەمە دڵخۆشییەکی زۆرە لە سعودیە. رێکخستنەکەشی نایابە."

 

پێشبڕکێیەکە دوو ساڵە لە مانگی شوباتدا لە سعودیە دەکرێت و سەرجەم بەشداربووانیشی خانمانن.