رووداو دیجیتاڵ
چەند کەسێک لە ئوردنەوە ویستوویانە بچنە نێو ئیسرائیل، سوپای ئیسرائیل تەقەی لێکردوون و دووی لێ کوشتوون.
رۆژی هەینی 18-10-2024 سوپای ئیسرائیل رایگەیاند: "چەند تیرۆریستێکمان بینی لە ئوردنەوە لە باشووری دەریای مردوو ویستیان بێنە نێو ئیسرائیل. تیرۆریستەکان تەقەیان لە هێزەکانی ئیسرائیل کرد و توانیمان دووان لەوان بکوژین".
سوپای ئیسرائیل هیچ زانیارییەکی دیکەی بڵاونەکردەوە بەڵام رایگەیاند، هێزەکانیان خەریکی گەڕان و کێوماڵکردنی شوێنەکەن. تاوەکو ئێستا ناسنامەی ئەو کەسانە ئاشکرا نەکراوە. سوپای ئیسرائیل داوای لە دانیشتووانی ناوچەکە کردووە لە ماڵەکانیان بمێننەوە.
رۆژنامەی یەدیعۆت ئەحرۆنۆتی ئیسرائیلی رایگەیاند، چەند نیگەرانییەکی ئەمنی هەن کە هێشتا چەند چەکدارێک لە باشووری دەریای مردوودا مابن.
دەریای مردوو دەکەوێتە رۆژئاوای ئوردن و رۆژهەڵاتی کەرتی رۆژئاوا و باکووری رۆژهەڵاتی ئیسرائیل.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ