ئەورووپا و میسر رێکارەکانیان دژی کۆچبەری تووند دەکەن

 

 

ئەلیکساندەر دی کروو، سەرۆکوەزیرانی بەلجیکا رایگەیاند، "میسر رۆڵێکی گرنگ دەگێڕێت لە بەرەنگاربوونەوەی بازرگانیکردن بە مرۆڤ و گرووپە قاچاخچییەکان. یەکێتیی ئەورووپا لە رووبەڕووبوونەوەی ئەم ئاڵنگارییە یارمەتیی میسر دەدات، پێکەوە کار دەکەین بۆ رووبەڕووبوونەوەی هۆکارە ریشەییەکانی کۆچی نایاسایی."

 

رێگەیەکی سەرەکیی چوونی کۆچبەران بۆ ئەورووپا چوونیانە لە تونس و لیبیاوە بۆ ئیتاڵیا.

 

جیۆرجیا میلۆنی، سەرۆکوەزیرانی ئیتاڵیاش یەکێک بوو لەوانەی لە کۆبوونەوەکە بەشدار بوو، رایگەیاند، "ئەم رێککەوتنە باشترین رێگەیە بۆ رووبەڕووبوونەوەی کێشەی کۆچی نایاسایی و بەرەنگاربوونەوەی بازرگانانی مرۆڤ."

 

بەشێکی زۆری کۆچبەران کە دەچنە ئەورووپا، خەڵکی رۆژئاوای کوردستان و سووریان.

 

 

- رێگەی یەکەم: لە سووریاوە بە فڕۆکە دەچنە لیبیا و لەوێشەوە بە بەلەم بە دەریای نێوەڕاست بۆ ئیتاڵیا.

- رێگەی دووەم: لە سووریاوە دەچنە تورکیای دراوسێ، لەوێشەوە بە فڕۆکە بۆ لیبیا و پاشان بە بەلەم دەریای نێوەڕاست دەبڕن و خۆیان دەگەیێننە کەناراوەکانی ئیتاڵیا.

- رێگەی سێیەم: کۆچبەران لە سووریاوە دەچنە لوبنان، لە لوبنان بە فڕۆکە گەشت بۆ وڵاتێکی کەنداو دەکەن، لەوێشەوە بۆ میسر و پاشان لیبیا و دواتر بە بەلەم بۆ ئیتاڵیا.

 

رێکخراوی کۆچی نێودەوڵەتی دەڵێت، "ساڵی رابردوو 292 هەزار و 985 کەس خۆیان گەیاندووەتە ئەورووپا، کە 38 هەزار و 703 کەس لەوانە سووریایی بوون."