ئەم ساڵ شەش حاجیی خەڵکی هەرێمی کوردستان لە مەککە گیانیان لەدەستداوە

 

رۆژی یەکشەممە 16-6-2024  کاروان ستوونی، گوتەبێژی بەڕێوەبەرایەتیی حەج و عومرەی هەرێمی کوردستان بە تۆڕی میدیایی رووداوی راگەیاند: "ئەم ساڵ شەش حاجی هەرێمی کوردستان لەکاتی بەجێگەیاندنی فەریزەی حەج گیانیان لەدەستداوە کە سەرجەمیان لە ماوەی 24 کاژێری رابردوودا کۆچی دواییان کردووە".

 

 

- زینەت رەشید قادر 

- رازیە عەلی

- ئاسیا عەلی

- حەمە حەسەن عەبدوڵڵا

- هەمین قادر

- ئەحمەد باڵەکی

 

لەبارەی کاتی گەڕانەوەی کاروانی حاجییانی هەرێمی کوردستان، کاروان ستوونی رایگەیاند: "گەڕانەوەیان بەپێی خشتەیەکی تایبەت دەبێت و لە 20ـی ئەم مانگەوە دەست بە گەڕاندنەوەی ئەو حاجییانە دەکرێت کە لە رێگەی وشکانییەوە رۆیشتوون".

 

ئەم ساڵ 4685 هاونیشتمانی لە رێگەی بەڕێوەبەرایەتیی گشتیی حەج و عومرەی هەرێمی کوردستانەوە چوونەتە سعودیە بۆ بەجێهێنانی فەریزەی حەج. جیا لەو ژمارەیە، کۆمەڵێک هاونیشتمانی بە "ڤیزەی یەک ساڵی" بە هەمان ئامانج چوونەتە سعودیە، بەڵام ژمارەیان نازاندرێت.