دەسەڵاتی فەلەستین: ئیسرائیل بڕی ئاوی بۆ ناوچەی خەلیل کەم کردووەتەوە

 

 

تەیسیر ئەبو سنینە، سەرۆکشارەوانیی خەلیل دەڵێت، "لەم هاوینەدا بە شێوەیەکی فەرمی کەمکردنەوەی ئاو بە رێژەی 35% بۆ ناوچەی خەلیل و باشووری کەناری رۆژئاوایان پێ راگەیاندین."

 

دەسەڵاتی فەلەستینی دەڵێت، بەگوێرەی پەیماننامەی نەتەوە یەکگرتووەکان، دەبێت ئیسرائیل رۆژانە 20 ملیۆن لیتر ئاو بۆ 200 هەزار دانیشتووانی خەلیل دابین بکات؛ بەڵام ئێستا 8 ملیۆن لیتر دەنێرێت.

 

زیاتر لە 175 ئۆردووگا لە کەناری رۆژئاوا هەن؛ نزیکەی 517 هەزار جوویان تێدا نیشتەجێ کراون؛ ئیسرائیل رۆژانە 100 ملیۆن لیتر ئاویان بۆ دابین دەکات.

 

ئەحمەد دانیشتووی خەلیلە و دەڵێت، "ئاو کە لە رێگەی جووەکانەوە بەدەستمان دەگات، لە 10%ی پشکمانە، لە 90%ی بۆ یەکە نیشتەجێبووەکان دەبرێت، ئەوەشی بۆ ئێمە دێت بە تانکەری ئاوە و بە هەزار نەهامەتی دەگاتە دەستمان."

 

ئیسرائیل کە لە 1967وە کەناری رۆژئاوای کۆنترۆڵ کردووە؛ نان، کارەبا، کار و پارە و گوزەرانی فەلەستینییەکانیشی بەدەستەوەیە.