رووداو دیجیتاڵ
سوپای ئیسرائیل رایگەیاند، لە سەرەتای جەنگی غەززەوە تاوەکو ئێستا 115 سەربازییان کوژراون و 600 سەربازیشیان بریندار بوون.
رۆژی چوارشەممە، 13ی کانوونی یەکەمی 2023، سوپای ئیسرائیل رایگەیاند، 115 سەربازیان لە جەنگی دژی حەماسدا کوژراون کە 10یان لە رۆژی سێشەممەدا کوژراون.
سوپای ئیسرائیل، لە دەستپێکی ئۆپەراسیۆنە زەوینییەکەیان بۆ سەر کەرتی غەززە، کە لە 27ـی تشرینی یەکەم دەستیپێکرد، ئەمە خوێناویترین رۆژ بووە بۆ سوپای وڵاتەکەیان.
سوپای ئیسرائیل ئاماژەی بەوەشکرد، دوای نیوەڕۆی رۆژی سێشەممە هێزەکانی کەتیبەی جۆلان چوونەتە باڵاخانەیەکی شاری شجاعییە و تێیدا رووبەڕووی ژمارەیەک "تیرۆریستی" حەماس بوونەوە. لەو شەڕەدا، لە کۆی 10 سەربازی کەتیبەکە نۆیان کوژراون، کە دووانیان پلەدار بوونە.
بەگوێرەی بەرپرسانی باڵای ئیسرائیلیش، لە دەستپێکی ئۆپەراسیۆنەکانیان بۆ سەر شجاعیە 350 چەکداری حەماس کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ