لە لوبنان یانەیەکی شەوانە دەکرێتە پەناگەی ئاوارەکان

 

لەمێژ نییە ئەم یانەی شەوانەی بەیرووت پڕ بوو لە 'ئەهلی کەیفوسەفا'، بەڵام ئێستا بەهۆی شەڕ بۆ پەناگەی ئاوارەکان گۆڕاوە. 

 

جایلا ئرانی، بەڕێوەبەری یانەکەی شەوانە دەڵێ "لە دوای ئەو بۆردوومانەی بووە هۆی کوژرانی حەسەن نەسروڵڵا، کار و کاسبی نەما و هەموو شتێك وەستا، خاوەنی ئەم یانەیە خەڵکی زۆری بینی کە لەسەر شەقامەکان بوون، بۆیە دەستپێشخەریی کرد و گوتی 'وەرن لەم یانەیە بمێننەوە.' بابەتەکە بەو جۆرە دەستیپێکرد." 

 

لەم یانەیەدا سەرووی 400 ئاوارە جێگەیان کراوەتەوە، کە زۆربەیان موسڵمانی شیعەمەزهەبن. 

 

عەلی حەمییە، یەکێک لەو ئاوارانەی لە یانەکە داڵدەدراوە، دەڵێ "پێیان گوتم 'تۆ، بەڕاستی لە یانەی شەوانە دەمێنیتەوە؟' گوتم 'بەڵێ'، گوتیان 'ئەی چۆن نوێژ دەکەیت؟' گوتم پێشتر یانە بووە و ئێستا شوێنی ئاوارەکانە." 

 

لە سەرانسەری لوبنان، زیاتر لە ملیۆنێك و 200 هەزار کەس بەهۆی شەڕەوە ئاوارە بوون، لەنێویاندا 200 هەزار کەس هەن، کە برسین و رۆژانە پشت بە ژەمە خۆراکەکانی بەرنامەی خۆراکی جیهانیی نەتەوە یەکگرتووەکان دەبەستن.