حووسییەکان: هێرشمان کردە سەر سێ کەشتیی سەربازیی ئەمریکا
رووداو دیجیتاڵ
گوتەبێژی حووسییەکانی یەمەن رایگەیاند، لە دەریای عەرەبی و دەریای سوور هێرشیان کردە سەر سێ کەشتیی سەربازیی ئەمریکی، یەکێک لە کەشتییەکان کەشتیی فڕۆکەهەڵگری ئەبراهام لینکۆڵن-ە.
رۆژی سێشەممە 12ی تشرینی دووەمی 2024 یەحیا سەریع، گوتەبێژی حووسییەکانی یەمەن رایگەیاند، لە دەریای عەرەبی بە ژمارەیەک مووشەک و درۆن هێرشیان کردووەتە سەر کەشتیی فڕۆکەهەڵگری ئەبراهام لینکۆڵن.
ئەو گوتەبێژە دەشڵێت، لە دەریای سووریش هێرشیان کردووەتە سەر دوو کەشتیی "تێکشکێنەری" ئەمریکی. ئاماژەی بەوەش کرد، ئەم دوو هێرشە نزیکەی 8 کاژێریان خایاندووە.
تاوەکو ئێستا بەرپرسانی ئەمریکا هیچیان لەبارەی هێرشەکەوە نەگوتووە.
هێرشەکەی حووسییەکانی یەمەن لە کاتێکدایە، بەیانیی ئەمڕۆ میدیای یەمەن بڵاویکردەوە، فڕۆکەکانی بەریتانیا و ئەمریکا سێ هێرشیان کردە سەر شاری حودەیدە لە رۆژئاوای وڵاتەکە.
بەگوێرەی میدیای یەمەن، چوارەم رۆژی لەسەریەکە ئەمریکا و هاوپەیمانەکانی بنکە و بارەگاکانی حووسییەکانی یەمەن لە حودەیدە، سەنعا، عەمران و سەعدا بەئامانج دەگرن.
تاوەکو ئێستا حووسییەکانی یەمەن هیچیان لەبارەی زیانە ماددی و گیانییەکان بڵاونەکردووەتەوە.
لە تشرینی یەکەمی 2023وە حووسییەکانی یەمەن دەستیان بە هێرشکردنە سەر ئەو کەشتییانەی دەریای سوور کردووە کە بە نزیک لە ئیسرائیل و ئەمریکا دادەندرێن، یان لەوانەوە نزیکن. لەو کاتەوە بە درۆن و مووشەک لە لانیکەم 100 کەشتیی بازرگانییان داوە؛ ئەمەش وەکو پاڵپشتییەک بۆ کەرتی غەززە.
لە بەرامبەردا ئەمریکا و هاوپەیمانەکانیشی وەڵامیان بۆ ئەو هێرشانە هەبووە و لە 11ی کانوونی دووەمی ئەم ساڵەوە نزیکەی 10 هێرشیان کردووەتە سەر بنکە و بارەگاکانی ئەو گرووپە یەمەنییە.
گوتەبێژی حووسییەکانی یەمەن رایگەیاند، لە دەریای عەرەبی و دەریای سوور هێرشیان کردە سەر سێ کەشتیی سەربازیی ئەمریکی، یەکێک لە کەشتییەکان کەشتیی فڕۆکەهەڵگری ئەبراهام لینکۆڵن-ە.
رۆژی سێشەممە 12ی تشرینی دووەمی 2024 یەحیا سەریع، گوتەبێژی حووسییەکانی یەمەن رایگەیاند، لە دەریای عەرەبی بە ژمارەیەک مووشەک و درۆن هێرشیان کردووەتە سەر کەشتیی فڕۆکەهەڵگری ئەبراهام لینکۆڵن.
ئەو گوتەبێژە دەشڵێت، لە دەریای سووریش هێرشیان کردووەتە سەر دوو کەشتیی "تێکشکێنەری" ئەمریکی. ئاماژەی بەوەش کرد، ئەم دوو هێرشە نزیکەی 8 کاژێریان خایاندووە.
تاوەکو ئێستا بەرپرسانی ئەمریکا هیچیان لەبارەی هێرشەکەوە نەگوتووە.
هێرشەکەی حووسییەکانی یەمەن لە کاتێکدایە، بەیانیی ئەمڕۆ میدیای یەمەن بڵاویکردەوە، فڕۆکەکانی بەریتانیا و ئەمریکا سێ هێرشیان کردە سەر شاری حودەیدە لە رۆژئاوای وڵاتەکە.
بەگوێرەی میدیای یەمەن، چوارەم رۆژی لەسەریەکە ئەمریکا و هاوپەیمانەکانی بنکە و بارەگاکانی حووسییەکانی یەمەن لە حودەیدە، سەنعا، عەمران و سەعدا بەئامانج دەگرن.
تاوەکو ئێستا حووسییەکانی یەمەن هیچیان لەبارەی زیانە ماددی و گیانییەکان بڵاونەکردووەتەوە.
لە تشرینی یەکەمی 2023وە حووسییەکانی یەمەن دەستیان بە هێرشکردنە سەر ئەو کەشتییانەی دەریای سوور کردووە کە بە نزیک لە ئیسرائیل و ئەمریکا دادەندرێن، یان لەوانەوە نزیکن. لەو کاتەوە بە درۆن و مووشەک لە لانیکەم 100 کەشتیی بازرگانییان داوە؛ ئەمەش وەکو پاڵپشتییەک بۆ کەرتی غەززە.
لە بەرامبەردا ئەمریکا و هاوپەیمانەکانیشی وەڵامیان بۆ ئەو هێرشانە هەبووە و لە 11ی کانوونی دووەمی ئەم ساڵەوە نزیکەی 10 هێرشیان کردووەتە سەر بنکە و بارەگاکانی ئەو گرووپە یەمەنییە.